يعني والله العظيم نحن شعب قصتنا قصّة. بدنا نحكي كل لغات العالم وما عارفين كيف.
في ناس بدن يتعلمو لغة من باب الثقافة أو ميشان اذا سافرو برّه يعرفو يحكو كلمتين. والباقيين بدن يحكو كلمتين من كل لغة. أيّ لغة مش مهم. انو شو يابا بعدو من الطريق شوفوني ما أحلاني أنا كتير كوول.
هلأ شو بدنا بكترة الحكي حلو شعب صغير متل الشعب اللبناني يحكي تلات لغات بكل جملة. هاي كيفك يا عمّي سافا. هيدى اذا ما طلعلك واحد بينغّم نتوفة بالطلياني ولّا بالاسباني و قلك شو رحت على روما سياحة يومين. اي طلاع من راصي بربّك.
صدف (صدف جدا ها) اني تعلمت فرنسي بالمدرسة و انكليزي بالجامعة الامريكية ببيروت وصرت أعتبر من هيدول الmulti-lingual يعني وصرت بحكم شغلي اتعرف على ناس من جنسيات هون و هونيك و صرت شوف انو فعلا نحن شعب باللغات اللي منحكيها عنا امكانيات مهمة.
من هون اجت فكرة الاسم اللي بيقول أنا لبناني وبيجمع بنفس الوقت بين اسم لبنان بالفرنسي وبيشبه طريقة لفظه بالانكليزي.
libanizi.com عملته للتسلية خلينا شوي نتسلى ببعض مش غلط.
ما حدى يزعل مني بلييززز. والله حكون مؤدب متل ما ماما بتريدني كون.
